جێگرێ سەرۆکێ پەرلەمانێ عێراقێ دبێژیت، چارەسەرکرنا ئاریشەیا مووچەیێ فەرمانبەرێن هەرێمێ کوردستانێ ئارمانجا سەرەکیا سەرەدانا سەرۆکێ پەرلەمانێ عێراقێ بوو، دبێژیت ژی، گۆتۆبێژان قۆناغەکا گەلەک باش دەرباز کریە و سوبەهی ل بەغدا کۆمبوون دێ بەردەوام بن.

سەرۆکێ فراکسیۆنا نەوەی نوێ ل گەڕا بەرێ یا پەرلەمانێ کوردستانێ ڕاگەهاند، حکومەتا دەم بسەرڤەچووی بەرپرسیارە ل دابەشنەکرنا مووچەی و پێدڤیە دابین بکەت و ب رێکا سۆمۆ پەترۆلێ بفرۆشیت نەکو ب قاچاغ.

سەرۆکێ پارتی و سەرۆکێ پەرلەمانێ عێراقێ دبێژن، پێدڤیە د کڤانێ دەستوری دا و ب لبەرچاڤکرتنا بنەمایێن هەڤبەش و ب هەڤسەنگی ئاریشە بهێنە چارەسەرکرن و مووچەیێ وەلاتیێن هەرێمێ تێکەلی ناکۆکیێن دناڤبەرا لایەنێن سیاسی و هەردوو حکومەتێن فیدرال و حکومەتا دەم بسەرڤەچووی نەهێتە کرن.

میدیایێن تورکیا دبێژن، شاندەکێ دەم پارتی بۆ دیتنا ئۆجەلانی دێ سەرەدانا ئیمرالی کەت و بڕیارە لسەر پێڤاژویا ئاشتیێ و پرسا چەکدانانا پەکەکە گوتوبێژان بکەن.

ژێدەرەکی بلند بۆ ئێن ئاڕ تی ڕاگەهاند، ئەو رەشنڤیسا دناڤبەرا هەرێم و بەغدا دا گوتوبێژ لسەر هاتیەکرن، هەرێم بەرهەڤە ئیمزایێ لسەر بکەت و پشتی ئیمزاکرنا رەشنڤیسا بەغدا دێ مووچەیێ هەیڤا پێنج هێتە هنارتن.

سەقا ناسیا هەرێمێ دبێژیت، پێلا تۆزبارینێ دێ ب داوی هێت و دەڤەرێن هەرێـی ژبلی گەرمیان، ل بن ٤٠ پلەیێن سیلیزی مینیت.

وەزارەتا بەڕەڤانیا ئەمریکا راگەهاند، د سالا بهێت دا دێ ١٣٠ ملیۆن دۆلاران بۆ هەڤکاریا هەسەدە و ئارتێشا سوریا ئازاد تەرخانکەین و دێ بەردەوابن ل پستەڤانیا هەڤپەیمانێن خۆ ل سوریا.

ژێدەرەکێ ئەولەهیێ بۆ ئێن ئاڕ تی راگەهاند، تەرمێ وەلاتییەکێ ل رێکا دناڤبەرا بنەسلاوە و دارەتوو ب کوشتی هاتە دیتن.

ئەڤرۆ داوی ئەزموونا پۆلا ١٢ـێ ئامادەیی هاتە ئەنجامدان، تێدا زێدەتر ژ ١١٥ هزار قوتابی بەشداربوون.

هەر ئونسەیەکا زێڕی د بازارێن جیهانێ دا، ب سێ هزار ٣٣٦ دۆلاران بازار پێڤە دهێتە کرن، بهایێ زێرێ عەیار ٢١ ژی ب ٦٦١ هزار دینارایە.

بهایێ بەرمیلەکا پەتڕۆلا خاڤا برێنت ب ٦٨ دۆلار و ٣٠ سەنتان بازار پێ دهێتە کرن و هەڤبەر ب دوهی بهایێ وێ بنەجهە.

نێچیرڤان بارزانی د داخۆیانیەکێ دا دەربارەی ئاریشەیێن هەرێم و بەغدا گوت، پێدڤییە گیانێ براینیێ و لهەڤتێگەهشتنێ دناڤبەرا گەلێ عێراقێ دا هەبیت.

سەرۆکێ ئەمریکا راگەهاند، کارڤەدانێن ئەرێنیێن حەماسێ بۆ ئاگربەستێ ل غەززە کارەکێ باشە و گوت ژی، چێدبیت د چەند رۆژێن بهێت دا رێککەفتن ل غەززە بهێتەکرن.

وەزارەتا بەڕەڤانیا عێراقێ دبێژیت، بەردەوامن ل بزاڤێن خۆ بۆ پێشڤەبرنا سیستەمێ بەڕەڤانیا ئەسمانییا ولاتی و چ رێگری نینە لسەر ڤێ چەندێ.

پەیڤدارێ ساخلەمیا زاخۆ بۆ ئێن ئاڕ تی راگەهاند، بەری دەمەکی کێم ل تاخێ عەباسیکا زاخۆ بسەدەما گرتنا کارەبێ کرێکارەکی ژیانا خۆ ژدەستدا.

کۆمسیۆنا عێراقێ رەتدکەت دەرگەهـ بۆ وەرگرتنا گۆهڕینان د لیستان یان وەرگرتنا لیستێن نویێن کاندیدێن هەلبژاتنا پەرلەمانێ عێراقێ ڤەکربیت.

پرانیا گوندێن هەرێما کوردستانێ بێ ئاڤن، گوندنشین گوندەکێ سنورێ کەلار بۆ ئێن ئاڕ تی دبێژن، هەیاما شەش سالانە بێ ئاڤن و د نها دا گوندنشینان ئەو گوندە چولکریە.

پشتی بلندبوونێ بهایێ دۆلاری ژبەر شەرێ ئیسرائیل و ئیران، ئەڤرۆ بهایێ 100 دۆلاران ب 141 هزار دیناران بازار پێڤە دهێتەکرن د بازارێن دراڤان دا.

فراکسیۆنا نەوەی نوێ ل پەرلەمانێ عێراقێ دبێژیت، بەغدا داخاز کریە ٢٨٢ هەزار بەرمیلێن پەترۆلێ رادەست بکەن و لدویف چاڤدێریا دارایی، بکارئینانا ناڤخۆیا هەرێمێ ٤٢ هزار بەرمیلێن پەترۆلێ نە و ئەگەر هەرێم دەست ب هناردەیا پەترۆلێ بکەت، راستەوخۆ مووچەیێ هەیڤەکێ دێ هێتە هنارتن، لێ حکومەتا دەم بسەرڤەچووی ب بێمنەتی پێگیر نابیت ب داخازیێن بەغدا.

پێلەکا تۆزبارینێ یا دژوار بەشەکا دەڤەرێن هەرێمێ ڤەگرتی یە و سەقاناسیا عێراقێ دبێژیت، پلەیێن گەرمێ ل پرانیا دەڤەرێن هەرێمێ دێ ل خار ٤٠ پلەیا سیلیزی مینن.

وەزارەتا ناڤخۆیا حکومەتا دەم بسەرڤەچوویا هەرێمێ دبێژیت، ئەو هێرشا هەولێرێ ژلایێ گروپێن چەکدارێن عێراقێ هاتیە ئەنجامدان، ڕەت ژی دکەن کو چ پێگەهەکێ ئیسرائیلێ ل هەرێمێ هەبیت.

پشتی سێ هەیڤان ژ بەرزەبوونا تەرمێ وێ دناڤ زێیێ مەزن دا، ئەڤرۆ بۆ داوی جار بەرەڤانیا باژێرێ سۆران دێ لدویف گەریانەکا گشتگیر بۆ دیتنا تەرمێ مامۆستا ئاڤێستایێ ئەنجامدەن و ئەگەر بزاڤێن وان سەرکەفتی نەبوون، دێ وێ کەیسێ گرن.

هەر ئونسەیەکا زێڕی د بازارێن جیهانێ دا، ب سێ هزار ٣٣٦ دۆلاران بازار پێڤە دهێتە کرن، بهایێ زێرێ عەیار ٢١ ژی ب ٦٦١ هزار دینارایە.

بهایێ بەرمیلەکا پەتڕۆلا خاڤا برێنت ب ٦٨ دۆلار و ٣٠ سەنتان بازار پێ دهێتە کرن و هەڤبەر ب دوهی بهایێ وێ بنەجهە.

شانەیا راگەهاندنا ئەولەهییا عێراقێ دبێژیت، نووچەیا لڤینا سەربازی ل دەڤەرێن سنوریێن هەڤبەشێن دناڤبەرا ئارتێشا عێراق و هێزێن پێشمەرگەی دا دویرە ژ راستیێ.

رێڤەبەریا گشتیا ژمێریاریا سەربازی دبێژیت، ژبەر کو ل رۆژا ئێکشەمبیێ ل بانکا ناڤەندییا عێراقێ بهێنڤەدانا فەرمییە، دابەشکرنا هەڤکاریێن داریێن ئەفسەر و پلەدار و پێشمەرگەیان کو ل پڕۆسەیا هەژمارەی من بەشدارن، بۆ رۆژا دووشەمبیێ هاتە پاشئێخستن.

رێڤەبەریا هاتن و چوونا کۆیە راگەهاند، ل نێزیک بەنداڤا سماقۆلیێ ل سنورێ کۆیە ترۆمبێلەکێ خۆ ل زارۆکەکی دا و ژیانا خۆ ژدەستدا.

وەزیرێ دادا عێراقێ دبێژیت، سەرۆک وەزیرانێ عێراقێ تەکەزی ل وێیەکێ کریە کو پێدڤییە ئاریشەیا مووچەیێ هەرێمێ بهێتە چارەسەرکرن و هەلویستێن وی دەربارەی ڤێ پرسێ د ئەرێنی بوون.

پەیڤدارێ کەجەکە بۆ ئاژانسەکا ئەمریکی ڕاگەهاند، دناڤبەرا 10 بۆ 12ـێ ڤێ هەیڤێ ئەڤسالە ئێکەم گروپێ پەکەکە ل سلێمانیێ دێ چەکێ دانن.

ژێدەرەکی بۆ ئێن ئاڕ تی ڕاگەهاند، وەلاتیەک پشتی کو دگەل هەڤالێن خۆ چووبوویە پارکی، ل دەمێ سیاربوونا نااڤ ترۆمبێلا خۆ ل پشتەڤە چەقۆ ل وی هاتەدان و دەملدەست ژیانا خۆ ژدەستدا.